28.04.2023
Конкурста ҡатнашыу өсөн бишек йырына һүҙҙәр яҙып (шиғыр быйыл яҙылған булырға тейеш) беҙҙең төркөмгә йәки Ағиҙелгә ебәрегеҙ. Эштәр 14 майға тиклем ҡабул ителә. Көйө булыуы мотлаҡ түгел. Шиғыры булһа, көй яҙыусылар табылыр, тигән өмөттә ойошторабыҙ был конкурсты.
Еңеүселәр икәү буласаҡ. Уларҙың береһен редакция хеҙмәткәрҙәре һайлаһа, икенсеһен төркөмдә тауыш биреү юлы менән аныҡлаясаҡбыҙ. Уларҙың исемдәрен 1 июндә - Балалар көнөндә билдәләйәсәкбеҙ.
Еңеүселәрҙе "Ағиҙел" журналынан электрон Рәхмәт хаты һәм шәп бүләк - "Ағиҙел"дән йөҙ хикәйә" ике томлығы көтә. Шиғырҙарҙың иң-иң шәптәре журнал биттәрендә шәлкем булып донъя күреүе лә ихтимал.
Ижади эштәрегеҙҙе көтөп ҡалабыҙ!
Конкурс тураһында дуҫтарығыҙға ла һөйләһәгеҙ, рәхмәтле булырбыҙ!